پُر امن ممالک میں سے پاکستان آخری 20 ممالک کی فہرست میں شامل
کراچی (پی پی آئی)2023 میں دنیا کے پرامن ترین ممالک کی جو درجہ بندی کی گئی ہے اس میں پاکستان کا شمارآخری 20 ممالک میں کیا گیاہے۔ "پی پی آئی کے مطابق انسٹیٹیوٹ فار اکنامکس اینڈ پیس (آئی ای پی) نے اپنی سالانہ رپورٹ میں ممالک کی درجہ بندی ک کرتے وقت تحفظ، سکیورٹی ، تنازعات اور دیگر عناصر کو مدنظر رکھا ہے۔ر اس سال پاکستان 2 درجے بہتری سے 163 میں سے 146 ویں نمبر پر آیاجبکہ بھارت 126، سری لنکا 107، سعودی عرب 119، چین 80، متحدہ عرب امارات 75، امریکا 131 جبکہ بنگلادیش 88 ویں نمبر پر رہا۔آئس لینڈ 1.124 اسکور کے ساتھ مسلسل 15 ویں سال دنیا کا پر امن ترین ملک قرار پایا ۔آئس لینڈ کے بعد یورپی ممالک ڈنمارک اور آئرلینڈ بالترتیب دوسرے اور تیسرے پرامن ترین ممالک قرار دیئے گئے۔سنگاپور ایشیا کا پرامن ترین ملک مگر عالمی درجہ بندی میں اسکاچھٹا نمبرآیا۔پرتگال 7 ویں، سلوانیا 8 ویں، جاپان 9 ویں جبکہ سوئٹزر لینڈ 10 ویں نمبر پر رہا۔افغانستان مسلسل 8 ویں سال اس فہرست میں آخری یعنی 163 ویں نمبر پر رہا جس سے اوپر یمن (162)، شام (161)، جنوبی سوڈان (160) اور کانگو (159) پر موجود ہیں۔فہرست میں روس اور یوکرین بالترتیب 158 اور 157 ویں نمبر پر رہے۔
0 Comments